كيف تحصل على الاجر والثواب كاملا فى شهر رمضان ان شاء الله |برنامج اليومي جميل | موقع الطريق المضئ |مذكرات ومناهج تعليمية GuidePedia

0
البرنامج اليومي للـ ٣٠ يوم رمضان ان شاء الله 
▬▬▬▬▬▬▬▬▬▬▬▬▬▬▬
ايه اللي المفروض نعمله إبتداءًا من ليلة الاثنين اول الشهر الكريم

إن شاء الله ؟؟
⇚ بســـــــم الله :
١- الـ ٥ صلاوات في المسجد للشباب 
الـ ٥ صلاوات في وقتهم بدون تأخير للبنات 

٢- السُنن الراتبه ( عندك ١٢ ركعه لازم تداوم عليهم يومياً .... ٢ قبل الفجر ... ٤ قبل الظهر و ٢ بعده .... ٢ بعد المغرب ... ٢ بعد العشاء ) فضلهم كبير متكسلش

٣- صلاة الضحى ( بتبدأ من بعد شروق الشمس بـ ربع ساعه ... لحد قبيل أذان الظهر بـ ربع ساعه ..... أقلّها ركعتين لحد ٨ ركعات ..إنت وهمّتك ) 

٤- أذكار الصباح والمساء ( أذكار الصباح بعد الفجر .... وأذكار المساء بعد العصر ..... لو نسيت تقولهم في ميعادهم قولهم مجرد ما تفتكر المهم متسبهمش ) <3
٥- صلاة التراويح


- للشباب .... في المسجد طبعا مع الإمام واختار إمام يكون صوته حلو علشان تحسّ بالصلاه 
- للبنات .... الافضل إنك تصليها في البيت ... بس لو عاوزه تنزلي إنزلي باللبس المنضبط وبكامل وقارك :) ...مش هتعرفي خلّيكي في بيتكوا أحسن اغسلي المواعين

٦- الصدقه ( جنيه واحد يوميا ... وانت خارج من صلاة العصر إعطيه لأول سائل يقابلك ..... يبقي عندك ٣٠ جنيه في الشهر كله ....ولو انت مُيسّر الحال وربنا موسّعها عليك تصدّق بما يليقُ بك ...وافتكر في النهايه ان انت احوج للصدقه وأجرها من الففير

٧- عمره او حج أسبوعيا ( إختار يوم في الاسبوع بعد ما تصلي الفجر متطلعش من المسجد ... خلّيك في المسجد لحد الشروق ... قول الاذكار واقرأ قرآن ... لك بذلك أجر حجه وعمره تامه تامه تامه .... اعمل الموضوع ده ٤ مرات في الشهر ) 


٨- قراءة القرآن

- لأصحاب الهمم العاليه مش أقل من ٥ ختمات في الشهر .... بواقع ٥ أجزاء يومياً ... يعني هتختم كل ٦ أيام مره 
- لأصحاب الهمم المتوسطه مش أقل ٣ ختمات في الشهر ... بواقع ٣ أجزاء يوميا .... يعني هتختم كل ١٠ أيام مره 
- للمبتدئين وأصحاب المشاغل ... مش أقل من ختمه في الشهر .... بواقع جزء كل يوم فقط 

٩- الدعاء ( عندك ٣ أوقات انا مسمّيهم وقت تحقيق المعجزات )
- الربع ساعه قبل الفطار 
- الساعه اللي قبل الفجر 
- اخر ساعه بعد العصر من كل جمعه 

( طبعا إنت محضّر الادعيه والحاجات اللي نفسك فيها وبتتمناها في ورقه ...... لحّ علي ربنا في ال ٣ أوقات دول .... هتشوف دعائك بيتحقق بعد رمضان كفلق الصبح ) شرط انك تدعي بإخلاص ويقين وصدق 

١٠- ركعتين في جوف الليل ( عاااااارف ياسيدي والله إنك صليت التراويح .... بس ده ميمنعش انك تصلي ركعتين خفاف في وقت النزول الالهي ... علشان تبقي مُميّز مش زيك زي الناس ) .... وكمان ربنا بيقول ( وتزوّدوا فإن خير الزاد التقوي ) ☺


دول ١٠ خطوات .... لو داومت علي الـ ١٠ دول ....خلال الـ ٣٠ يوم ..... هيكون أحسن رمضان عيشته في حياتك ....وهتخرج من رمضان إنسان نقي تقي ..... كأنك لسه مولود .... مين عارف مش جايز رمضان السنه دي هو نقطة انطلاقك اللي كنت مستنّيها من زمان ؟ جايز


وأخيرا

انا واثق إنك هتنفّذ البرنامج ده


- الاول إنك تشيّر الكلام ده ... علشان يوصل لأكبر عدد ممكن

 وعلشان أجرك يزيد ( الدال عالخير له أجر فاعله )

- الثاني .... منشن حد صاحبك ... . اخوك .. اختك .. أي حد غالي عليك ..... علشان تنافسوا بعض .... وتعملوا البرنامج سوا .... علشان متحسش إنك لوحدك فتكسّل .... وعلشان برده تدخلوا الجنه سوا 

و آكيد اللى عنده خطه تانيه و ناوى يعمل حاجات زياده يقولنا عليها 
كل عام و انتم الى الله اقرب و على طاعته ادوم و بحب الله اقوى 

منقول للافادة

اطلب اى مذكرة او امتحان او نتيجة فقط اترك تعليق ,سوف نجيب طلبك فى الحال

اذا اعجبك الموضوع لا تبخل فى نشره حتى تعم الفائدة

اشترك معنا على  جوجل بلس -  فيس بوك - تويتر ليصلك الاشعارات و الموضوعات الجديدة فى الموقع 
تابعنا و تواصل معنا على شبكات التواصل الاجتماعى لمشاهدة جديد موضوعاتنا 

صفحة الموقع على الفيس بوك

جروب الطريق المضئ | مذكرات ومناهج تعليمية

صفحة الموقع الرسمية على تويتر

اشترك فى قناة الموقع على اليوتيوب


اذا اعجبك الموضوع لا تبخل فى نشره حتى تعم الفائدة على الجميع
التعليقات
0 التعليقات

إرسال تعليق

 
Top